Миирнэйгэ буруо хойдон АЛРОСА сорох рейсин тохтотто

Миирнэйгэ ойуур баһаардарын буруота хойдон, АЛРОСА авиа хампаанньа сорох рейсин тохтотто. Бу туһунан тэрилтэ пресс-сулууспата иһитиннэрэр.

«Бүгүн АЛРОСА авиа хампаанньата Миирнэйгэ уонна төттөрү көтөн кэлиэхтээх сорох рейстэрин тохтоторго күһэлиннэ. Бу ойуур баһаардарынан ыксаллаах быһыы-майгы туран, Миирнэйгэ сөмөлүөт көтүүтүн харгыстаата», — диэн иһитиннэриигэ этиллэр.

Күн-дьыл туруга көннөҕүнэ, баһаар буруота дьоҥҥо кутталы суоһаабат буоллаҕына сөмөлүөт көтүүтэ сөргүтүллүөҕэ. Авиабилиэттэри туһанарга эбии рейстэри олохтуохтара, эбэтэр билиэттэри атын рейси кытары атастаһыахха сөп буолуоҕа.

Кыайан көппөтөх пассажирдары «Домодедово» аэропордуттан чугас сирдэргэ олохтообуттарын, аһылыгынан уонна олорор сиргэ тиэрдиинэн хааччыйбыттарын туһунан авиа хампаанньа пресс-сулууспата иһитиннэрэр.

«Түһэр сиргэ олохтуурга «Домодедово» эаропорт 55-с стойкатыгар билсэргитигэр көрдөһөллөр», — диэн авиа хампаанньа суруйар.

Миирнэй оройуонун дьаһалтатын иһитиннэриитинэн, ыаллыы сытар нэһилиэнньэлээх пууннарга буруо, Сунтаар улууһугар турбут 36 ойуур баһаарыттан билиннэ.