Миирнэйгэ элбэх кыбартыыралаах дьиэ умайда

Тохсунньу 13 күнүгэр Миирнэйгэ элбэх кыбартыыралаах дьиэ умайда. Бу туһунан регионнааҕы ЫБММ пресс-сулууспата иһитиннэрэр.

Баһаар олохтоох бириэмэнэн 19.30 чааска Верхнэй бөһүөлэккэ буолла.

«Баһаарынай сулууспа баһаар миэстэтигэр түөрт мүнүүтэнэн кэлбит. Баһаар түмүгэр 450 кв.м. иэннээх дьиэ эмсэҕэлээбит», — диэн иһитиннэриигэ этиллэр.

Баһаар биричиинэтэ, буруйдаах уонна хоромньу быһаарыллар.Уоту умуруорууга түөрт баһаарынай массыына, личнай састааптан 22 киһи үлэлээтэ.