«Мин үрдүбэр күн хаһан да киирбэт» киинэ Германияҕа икки киинэ бирииһин ылла

«Мин үрдүбэр күн хаһан да киирбэт» диэн  уус-уран киинэ Германия Коттбус куоратыгар 29-с төгүлүн ыытыллар норуоттар икки ардыларынааҕы киинэ бэстибээлиэр икки бирииһи тэҥинэн ылла.

Любовь Борисова устубут киинэтигэр «Көрөөччү биһирэбилэ» үрдүк ааты, итиэннэ Киинэ прессатын федерациятын анал «FIPRESCI» бирииһин туттардылар.

Бу иннинэ саха киинэтэ азия дойдуларын Оскарыгар тэҥнээх бирииһи ылан турар.