Муус устар 15 күнүттэн сорох мууһунан уонна сиринэн кыһыҥҥы айан суоллара сабылыннылар

Өрөспүүбүлүкэҕэ муус устар 15 күнүттэн мууһунан уонна сиринэн кыһыҥҥы айан суоллара сабылыннылар. Бу туһунан СӨ тырааныспарын пресс-сулууспата иһитиннэрэр.

Кэбээйи уонна Нам улуустарын Сангар — Сииттэ — Батамай — Булуус «Сангар» сиринэн кыһыҥҥы айан суола, «Кэбээйи» айан суолун Аһыма — Бэс Күөл — Кэбээйи — Сангар учаастага Кэбээйи улууһун аэропордугар киириигэ диэри сырыы тохтоото.

«Бүлүү» кыһыҥҥы айан суолунан Мукучу- Кэбээйи, Томпоҕо «Халыма» сиринэн айан суолун учаастагар – Хаандыга — Дьабарыкы Хайа — Охотскай Перевоз сырыыта бобулунна.

Маны таһынан, Өлүөхүмэҕэ уонна Ленскэйгэ «Умнас» айан суола уонна Ленскэй оройуонунан Ленскэй — Пеледуй учаастага сабылынна.

Ону тэҥэ, муус устар 15 күнүттэн Уус Майа улууһун «Амма» айан суолун Уус Майа — Элдьикээн учаастагынан уонна Алдан өрүһү туоруур суолунан сырыы тохтотулунна.

Маны таһынан, Аллараа Бэстээх — Амма — Уус Майа — Элдьикээн — Югоренок нефтебазаҕа киирэр мууһунан суол учаастага сабылынна.

Өлүөнэ өрүһү туоруур мууһунан айан суола Хатас — Павловскай уонна Хаҥалас — Суотту хайысхаларынан сырыы бобулунна.