Муус устар 24 күнүгэр Дьокуускай бүтүн Россиятааҕы субботникка кыттыһыа

Муус устар 24 күнүгэр «Биир ньыгыл Россия» баартыйа тутууга министиэристибэни кытта дойду бары регионнарыгар субботник ыытыаҕа. Бу туһунан баартыйа өрөспүүбүлүкэтээҕи салаата иһитиннэрэр.

Баартыйа волонтердар кииннэрин активистара уонна эрдэттэн куоластааһын кыттыылаахтара кыттыыны ылыахтара. Балыыһалар «Кыһыл зоналар» баар учаастактарын ыраастыахтара уонна аҕам саастаах дьоҥҥо көмөлөһүөхтэрэ. Ону тэҥэ пааркалары, сквердэри, социальнай тэрилтэлэр учаастактарын хомуйуохтара, мастары уонна талахтары олордуохтара.

«Дьокуускайга өрөспүүбүлүкэ нэһилиэнньэтин 30 %-тан тахсата олорор, онон субботниктары тэрийии ордук сытыытык турар. Баартыйалаахтар, депутаттар, волонтердар уонна эрдэттэн куоластааһын кандидаттара уопсастыбаннай сири-уоту ыраастааһыҥҥа көхтөөх кыттыыны ылыахтара», —диэн «Биир ньыгыл Россия» баартыйа волонтердары кытта үлэлиир региональнай кииниин салайааччыта, Госдума быыбарын эрдэттэн куоластааһыныгар кандидат Василий Попов эттэ.

«Эдэр Гвардия» өрөспүүбүлүкэтээҕи салаата пластик бытыыккалары, алюминий баанкалары уонна иккистээн туһаныллар сырьену түмүүннү уонна переработкаҕа туттарыыны куруутун тэрийэрин бэлиэтэнэр.

Ону таһынан «Табыгастаах куорат эйгэтин тэрийии» федеральнай бырайыак уонна «Куорат эйгэтэ» баартыйа бырайыагын эбийиэктэригэр субботниктар ыытыллаллара этиллэр.