Намҥа уот ситимин хапытаалынай өрөмүөнэ ыытыллыаҕа

Нам улууһугар энергетиктэр уот ситимин уонна оборудованиетын хапытаалынай өрөмүөнүн ыыталлар. Бу туһунан «Якутскэнерго» киин электрическэй ыстаансыйатын пресс-сулууспата иһитиннэрэр.

«Оҥоһуллар үлэ хаачыстыбатын тупсарар туһугар өрөмүөн үлэтэ сыл түмүктэниэр диэри Нам, Искра, Бартыһаан, Кыһыл Сыыр, Кириэс Кытыл, Хатас уонна Арбын сэлиэнньэлэрин уотун ситимигэр ыытыллыаҕа. Кыһыл Сыыр, Бартыһаан, Нам уонна Кириэс Кытыл нэһилиэнньэлээх пууннарыгар изоляцията суох боруобаттары аныгы уонна куттала суох СИП-ка уларытыахтара», — диэтэ «Якутскэнерго» генеральнай дириэктэрэ Алексей Стручков.

Бүгүҥҥү күн туругунунан, энергетиктэр улахан суолталаах П-быһыылаах алта «Радиоцентр – Нам» уот баҕаналарын уларыттылар.

Маны таһынан, аҕыс уот баҕаналарын, 24 изоляторы уларыттылар, Модут, Хатырык, Маймаҕа уонна Түбэ сэлиэнньэлэрин хааччыйар «Нам — Хатырык» уотун ситимигэр үс га тыаны солоотулар.

Ону тэҥэ, Арбын, Көбөкөн уонна Фрунзе сэлиэнньэлэригэр куттала суох туһуналларыгар «Балыктаах — Харыйалаах» айан суолун кыйа ыраастаатылар.

Намҥа, Аппааныга, Граф биэрэгэр Кыһыл Дэриэбинэҕэ уонна Бөтүҥҥэ икки анкернай уонна икки уот баҕаналарын уларыттылар, ол иһигэр, «Хатырык» уот ситимин икки баҕанатын.

Арбыҥҥа алта уот баҕанатын туруордулар уонна 270 миэтэрэ изолированнай боруобаты тартылар.