Нам улууһун хамаандата ат сүүрдүүтүгэр сүрүн бирииһи ылла

Балаҕан ыйын 28 күнүгэр Дьокуускайдааҕы тыа хаһаайыстыбатын академиятын ипподромугар СӨ Тыатын хаһаайыстыбатын министиэристибэтин бирииһигэр ат сүүрдүүтэ буолан ааста. Хамаанданан күрэс түмүгэр Нам улууһун хамаандата кыайыыны ситистэ. Бу туһунан министиэристибэ пресс-сулууспата иһитиннэрэр.

Иккис миэстэни Чурапчы улууһа ылла, үһүс миэстэни — Мэҥэ Хаҥалас улууһа. Ат сүүрдүүтүгэр Нам, Амма, Мэҥэ Хаҥалас уонна Чурапчы улуустара кытыннылар.

Ат сүүрдүүтэ 1000 м, 1200 м, 1600 м, 2400 м уонна 3200 миэтэрэ уһуҥҥа ыытылынна. Бириис уопсай пуондата 750 тыһыынча солкуобайга тэҥнэстэ: бастакы миэстэҕэ — 375 тыһыынча солкуобай, иккис миэстэҕэ — 225 тыһыынча солкуобай, үһүс миэстэҕэ — 150 тыһыынча солкуобай.