Нерюнгри аэропордун үлэтэ сөргүтүлүннэ

Нерюнгри аэропордун үлэтэ олохтоох бириэмэнэн 14.00 чааска сөргүтүлүннэ.

«Аэропорт 14.00 чаастан аһаҕас. Рейс Дьокуускайтан көттө, барыллаан 15.40 чааска көтөн кэлиэхтээх», — диэн Нерюнгри аэропордугар эттилэр.

Ону таһынан, Дьокуускай аэропордугар эппиттэринэн, киин куоракка саппаас аэродромҥа ыытыллыбыт «ИрАэро» авиахампаанньа Иркутскай -Нерюнгри рейсэ эмиэ көттө.

АЛРОСА авиахампаанньа Новосибирскай-Нерюнгри рейсэ олохтоох бириэмэнэн 14.35 чааска көтөрө күүтүллэр.

Санатар буоллахха, Нерюнгри аэропордугар бу иннинэ халлаан туругуттан сөмөлүөттэр түспэт этилэр.

Источник: сайт телеканала «Якутия 24».