Оҕо күүтэр ийэлэр коронавируһунан ыалдьыылара үксээтэ

Өрөспүүбүлүкэҕэ оҕо күүтэр ийэлэр коронавируһунан ыалдьыылара үксээтэ. Бу туһунан СӨ доруобуйа харыстабылын пресс-сулууспата иһитиннэрэр.

Сүрүн акушер-гинеколог быраас Екатерина Ушницкая бэлиэтииринэн, кэлиҥҥи 10 күҥҥэ оҕо күүтэр уонна оҕоломмут ийэлэр ыалдьыылара үс төгүл үрдээбит.

«Билиҥҥи туругунан, Саха сиригэр коронавирустаабыт 34 оҕо күүтэр уонна оҕоломмут ийэ баар. Хат дьахтар 1/3-гэр ыарыы ыараханнык ааһан пневмонияҕа тиэрдэрэ бэлиэтэнэр», — диэтэ кини.

Оҕо күүтэр уонна эмиийдэтэр ийэлэргэ вакцина бэриллэрэ көҥүллэммэтинэн, оҕолоноору былаанныыр дьахталлар үс ый инниттэн COVID-19 утары вакцинацияны ааһалларыгар сүбэлииллэр.

Коронавирус ыарыыта туруоҕуттан өрөспүүбүлүкэҕэ уопсайа 1 064 оҕо күүтэр ийэ коронавирустаабыта бэлиэтэннэ.