Ойуур баһаарын сэрэтиигэ 4 тыһ кэриҥэ киһи үлэлиэҕэ

Быйыл ойуур баһаарын сэрэтиигэ уонна умуруорууга 2,8 тыһыынча киһи үлэлиэҕэ. Бу туһунан «Тэтим» радиоҕа быһа эфиргэ экология миниистирэ Сахамин Афанасьев кэпсээтэ.

«Саха сиригэр быйыл сайын сөҥүү суох буоларын уонна кураан дьыл иһэрин сылыктыыллар. Ойуур баһаарын умуруорууга былаан оҥоһулунна, 3840 киһилээх, 1411 тиэхиньикэлээх бөлөхтөр тэрилиннилэр. 46 МИ-8 бөртөлүөтү уонна аччыгый авиацияны туһанар былаан баар. Авиалесоохрана, Якутлесресурс уонна ойуур хаһаайыстыбаларын үлэһиттэрэ баһаары умуруорууга үлэлиэхтэрэ», — диэтэ кини.

Ону кытта 2021 сылга «Экология» национальнай бырайыагынан 203 тиэхиньикэ атыыласпыттар. Хоту сиргэ баһаары умуруорууга анаан быйыл аан бастакытын Баатаҕайга Авиалесоохрана салаата арыллыбыт.