Аллараа Бэстээх 2 №-дээх орто оскуолатын дириэктэрэ Ольга Васильевна Колмакова бүтүн Россиятааҕы «Сыл бастыҥ дириэктэрэ-2023» куонкурус регионнааҕы түһүмэҕин кыайыылааҕа буолла.
Куонкурус финала Москваҕа балаҕан ыйын 29 күнүттэн алтынньы 4 күнүгэр диэри буолуоҕа. Манна дойду 30 бастыҥ оскуола дириэктэрэ кыттар.
«Сыл бастыҥ дириэктэрэ-2023» куонкурус Россияҕа үсүһүн ыытыллар, сылтан сыл аайы таһыма үрдээн иһэр. 2022 сылга сүүмэрдээһиҥҥэ 69 регионтан 775 дириэктэр кыттыбыт эбит буоллаҕына, быйылгы күрэххэ 1000-тан тахса сайаапка киирбитэ бэлиэтэнэр.
