Олоҥхо ыһыаҕа саха телевидениетигэр быһа эфиргэ көстүөҕэ

Олоҥхо ыһыаҕын быһа эфиргэ «Якутия 24» уонна НВК «Саха» ханаалларга көрүҥ. Ыһыах Өлүөхүмэҕэ бэс ыйын 26-27 күннэригэр ыытыллыаҕа. Үгүс маассабай тэрээһин бобуллубутунан сибээстээн, өрөспүүбүлүкэҕэ Олоҥхо ыһыаҕа соҕотох улахан тэрээһин буолуоҕа. «Якутия 24» ханаалга тэрээһин нууччалыы тылбаастаах көстүөҕэ.

Ол курдук, бэс ыйын 26 күнүгэр 11.00 чаастан 16.00 чааска диэри ыһыах арыллыыта көстүөҕэ. 16.00 чаастан Дыгын оонньуулара быһа эфиргэ саҕаланар. 19.00 чаастан «Олоохуна Улуу олонхону уруйдуур» куонурус саҕаланыаҕа. Трансляция салгыы бэс ыйын 27 күнүгэр сарсыарда 10.00 чаастан салҕаныааҕа. 12.00 чаастан Дыгын оонньууларыттан быһа холбонуу буолар. Быһа эфири nvk-online.ru, yk24.ru сайтка быһа эфиргэ, телевизорга Smart TV сыһыарыыга, төлөпүөҥҥэ НВК «Саха» сыһыарыыга көрүөххүтүн сөп.