ОРВИ-нан ыалдьыы көрдөрүүтэ эпидемиологическай боруогу 2,1 төгүл куоһарда

Тохсунньу 10-тан 16 күнүгэр диэри өрөспүүбүлүкэҕэ ОРВИ-нан ыалдьыы көрдөрүүтэ эпидемиологическай боруогу куоһарда.

«Өрөспүүбүлүкэҕэ уопсайа 10 537 ОРВИ-нан ыалдьыы түбэлтэтэ бэлиэтэннэ, бу көрдөрүү эпидемиологическай боруогу 2,1 төгүл куоһарда», — диэн иһитиннэриигэ этиллэр.

Ордук 7-тэн 14-гэр диэри уонна 15-тэн аҕа саастаахтар ыалдьаллар.

Лабораторнай чинчийии түмүгүнэн өрөспүүбүлүкэҕэ А грипп (H3N2) вируһа бэлиэтэнэр.