Оскуолалар түмүктүүр эксээмэннэрэ очно ааһыахтара

Өрөспүүбүлүкэ оскуолаларыгар судаарыстыбаннай түмүктүүр эксээмэннэри бары ирдэнэр санитарнай миэрэлэри тутуһан очно ыытыы былааннанар.

«9-с кылаастарга түмүк эксээмэннэр уонна 11-с кылаастарга БКЭ Роспотребнадзор бары ирдэбиллэрин тутуһан үгэс буолбут быһыылаах ааһыахтара», — диэн Ольга Балабкина брифинг кэмигэр эттэ.

Сорох оскуолалар дистанционнай быһыылаах үөрэтиигэ көспүттэрин үрдүнэн, судаарыстыбаннай эксээмэннэргэ бэлэмнэнии салҕанар.

БКЭ сүрүн түһүмэҕэ ыам ыйын 31 күнүттэн саҕаланар уонна от ыйын 2 күнүгэр түмүктэнэр. Эбии түһүмэх от ыйын 12-17 күннэригэр ыытыллыаҕа. ОГЭ уонна ГВЭ-9 туттарыы ыам ыйын 24 күнүттэн от ыйын 2 күнүгэр диэри ааһыаҕа.