Паром сырыытын мобильнай сыһыарыынан кэтиэххэ сөп

Быйыл «Паромы Якутии» сыһыарыыга парому барытын киллэрэр былааннаахтар. Иннэ гынан, бу мобильнай сыһыарыынан паром сылдьар кэмин кэтиигин. Билигин Дьокуускайтан Аллараа Бэстээххэ таһар 13 паромтан сыһыарыыга сэттэтэ холбоммут, «Хачыкаат – Мохсоҕоллох» туорааһыҥҥа биэстэн биир, «Кангаласс–Оҕуруоттаах» туорааһыҥҥа биир даҕаны холбоно илик.

«Пассажир парому барытын көрүөхтээх, ол иһин хас биирдии паром систиэмэҕэ киириэхтээх. Киирбэтэх паром үлэлиэ суохтаах», — диэбит бырабыыталыстыба бэрэссэдээтэлэ Андрей Тарасенко.