Өрөбүллэргэ 14 ойуур баһаарын умуруордулар

Өрөбүллэргэ 356 галаах 14 ойуур баһаарын умуруордулар. Бу туһунан экология министиэристибэтин пресс-сулууспата иһитиннэрдэ. «Билигин 14 сөмөлүөт үлэлиир, 26 201 галаах 25 баһаары умуруораллар», – диир ойуур кэтэбилин департаменын салайааччыта Владимир Иванов.

14 оройуоҥҥа ойуур умайар: түөртүү Ньурбаҕа, Сунтаарга, Үөһээ Бүлүүгэ, иккилии Томпоҕо, Өлүөхүмэҕэ, биирдии Уус Майаҕа, Ленскэйгэ, Кэбээйигэ, Өймөкөөҥҥө, Бүлүүгэ, Мэҥэ Хаҥаласка, Хаҥаласка уонна Дьокуускайга. 13 922 галаах баһаары Ньурбаҕа, Сунтаарга, Хаҥаласка, Тааттаҕа, Мэҥэ Хаҥаласка умуруордулар. 1340 киһи уонна 131 тиэхиньикэ үлэлиир. Куйаартан көрүүгэ 31 термоточка баар.

Суһал быһыы-майгы режимэ Ньурбаҕа, Томпоҕо, Үөһээ Бүлүүгэ, Сунтаарга, Өймөкөөҥҥө биллэриллибитэ.