Россияҕа үөрэххэ киириигэ орто баал намтаабыт

Россияҕа уон сыл иһигэр бастакытын үөрэххэ киириигэ орто баал намтаабыта билиннэ. Бу туһунан РИА Новости иһитиннэрэр.

Бу туһунан экономика Үрдүкү оскуолатын исписсиэлистэрин чинчийиилэригэр этиллэр. Ол курдук, үлэҕэ 838 үөрэх кыһатын көрдөрүүлэрин туһаммыттар, ол иһигэр 404 судаарыстыбаннай, 345 филиаллар уонна 89 судаарыстыбаннайа суох үрдүк үөрэх кыһалара киирдилэр.

«2021 сылга Россияҕа үөрэххэ туттарсарга орто баал кыратык намтаабыт (70,8%-тан 70,3% буолбут), бүддьүөт миэстэтигэр — 68,6% (68,7%)», — диэн исписсиэлистэр бэлиэтээтилэр.

Дакылаат ааптардара бигэргэтэллэр: уопсайа бүддьүөккэ аҥара оскуолаҕа туйгуннук үөрэммит устудьуоннар үөрэнэллэр. Ону сэргэ вузтарга бүддьүөт миэстэтин ахсаанын элбэтии суотугар үөрэххэ туттарсыыга орто баал намтаабыт.

«Ол аата билигин бүддьүөт миэстэлэригэр урут куонкуруска баалларынан кыайан хапсыбатах устудьуоннар киирбиттэр», — диэн ааптардар быһаардылар.

Исписсиэлистэрин дааннайдарынан, судаарыстыбаннай үөрэх кыһаларыгар бүддьүөт миэстэтин ахсаана 2020 сылга тэҥнээтэххэ, 9 %-нан элбээбит.