Россия режиссердара, артыыстара уонна продюсердара «Смотри, это Россия!» бүтүн Россиятааҕы куонкурус кыттааччыларыгар босхо маастар-кылаас ыытыахтара.
Санатан эттэххэ, бу куонкуруска кыттарга сэтинньи 25 күнүгэр диэри сайтка бэлиэтэнэр наадалаах уонна сэтинньи 30-гар диэри «Моя Родина. Моя история» тиэмэҕэ видеооткрытканы тус кэбиниэккэ угуллар. Роликка атын региоҥҥа эҕэрдэ устан ыытыллар.
Куонкурус кыайыылаахтара сыаналаах бириистэринэн — смартфоннарынан наҕараадалыахтара, итиэннэ уон анал аакка бэлэх ылыахтара.
