СӨ Конституционнай сүбэһитин дуоһунаһыгар Людмила Гореваны анаатылар

Бүгүн, алтынньы 20 күнүгэр, Судаарыстыбаннай түмсүү мунньаҕар норуот дьокутааттара, Людмила Гореваны конституционнай сүбэһит дуоһунаһыгар аныыр туһунан уурааҕы ылыннылар. Бу туһунан Ил Түмэн пресс-сулууспата иһитиннэрэр.

Кинини дуоһунаска аныырга хандьыдаат быһыытынан этиини СӨ баһылыгын уонна бырабыыталыстыбатын дьаһалтатын салайааччыта Афанасий Владимиров киллэрбитэ.

Людмила Горева үлэтэ юридическай идэни, сиэрдээх буолууну уонна сууту-сокуону кытта сибээстээҕин кини бэлиэтээбитэ.

Сокуоҥҥо ирдэнэринэн, Людмила Горева андаҕар тылын Саха сирин икки судаарыстыбаннай тылынан эттэ.