СӨ телевидение уонна араадьыйа техническэй киинэ SATCOMRUS AWARDS наҕарааданы тутта

СӨ телевидение уонна араадьыйа техническэй киинэ спутниковай сибээс салаатыгар «Тиийэргэ уустук нэһилиэнньэлээх пууннарга спутниковай сибээһи сайыннарыыга кылаатын иһин» диэн анал аакка SATCOMRUS AWARDS бириэмийэни ылла. Бу туһунан СӨ инновация, цифровой сайдыы уонна инфокоммуникационнай технология министиэристибэтэ иһитиннэрдэ.

Наҕарааданы алтынньы 3 күнүгэр Санкт-Петербурга «SatComRus 2019» диэн РФ спутниковай сибээс ситиминэн туһанааччылар уонна оператордар норуоттар икки ардыларынааҕы XXIV кэмпириэнсийэлэрин чэрчитинэн туттарбыттара.

«Абоненнарбытыгар табыгастаах буоларын туһугар араас быһаарыылары ылынабыт. Сибээс спутниковай ханаалларын кыаҕа хааччахтардаах, онон сотору кэминэн «Экспресс АМ5» спутникка эбии ханааллары ылар былааннаахпыт. Оччоҕо биһиги өҥөлөрбүт хаачыстыбалара тупсуо уонна спутниковай сибээһинэн интэриниэккэ холботоллоро элбиэ этэ», — диэтэ «ТЦТР» генеральнай дириэктэрэ Андрей Ребров иһитиннэрдэ.

«SatComRus 2019» кэмпириэнсийэни сыл аайы «Космическай сибээс» тэрилтэ ыытар. Тэрээһин Россия цифровой сайдыы, сибээс уонна маассабай коммуникация сайдыытын министиэристибэтин уонна сибээс федеральнай ааҕыныстыбатын өйөбүлүнэн ааһар.