Чочу нэһилиэгэр бэйэ бурдугун оҥороллор

Бүлүү улууһугар Чочу нэһилиэгэр бэйэ бурдугун оҥорор буоллулар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Биһиги хаһаайыстыбабыт былырыын бурдук үүннэриинэн дьарыктаммыта, 20 гектартан 17 туонна бурдугу ылбыппыт. Быйыл 40 гектартан 38 туонна бурдугу ылан бастакы суортаах бурдугу оҥорор буоллубут», — диэн «Ампаардаах» хаһаайыстыба салайааччыта Симон Томский эттэ.

Хаһаайыстыба үлэһиттэрэ урукку сыах хочуолунайыгар мукомольняны үлэлэттилэр. Роспотребнадзор булбут бары кэһиилэрин туораттылар. Улуус дьаһалтатын көмөтүнэн бурдук уурар сир туттулар уонна эбии тиэхиньикэ ыллылар.

Кэлэр өттүгэр хаһаайыстыба бастакы суортаах бурдукка оройуон ирдэбиллэрин толоруон сөп.