Саха сиригэр бу өрөбүллэргэ коронавирус утары вакцина эбии баартыйата кэлиэҕэ

Муус устар 17-18 күннэригэр өрөспүүбүлүкэҕэ COVID-19 утары вакцина баартыйатын эбии дозата кэлиэҕэ.

Бу туһунан СӨ доруобуйа харыстабылын миниистирин бастакы солбуйааччыта Алексей Яковлев иһитиннэрдэ.

«Бүтэһигин 2400 эбии доза муус устар 15 күнүгэр кэлбитэ, өрөбүллэргэ эбии 1200 дозаны күүтэбит», — диэтэ кини брифинг кэмигэр.

Кэлиҥҥи нэдиэлэҕэ Саха сирэ уопсайа 13 212 доза баартыйаны ылла, ол иһигэр 8 100 «Эпиваккорона» вакцинаны. Барыта улуустарынан тарҕанна.

Муус устар 16 күнүнээҕи туругунан, иммунитеты бөҕөргөтүү бастакы түһүмэҕин 89 935 киһи ааста, иккиһи — 54 160.