Саха сиригэр хааччахтыыр миэрэни күүһүрдүөхтэрэ

Саха сирин кэккэ оройуоннарыгар коровируһунан сибээстээн хааччахтыыр миэрэлэри күүһүрдүөхтэрэ. Бу туһунан доруобуйа харыстабылын миниистирин солбуйааччы Алексей Яковлев эттэ.

«Эпидемиологическай балаһыанньа мөлтөөбүтүттэн сылтаан маассабай тэрээһин ыытыытыгар хааччах олохтонуоҕа. Ол иһигэр ыам ыйынааҕы бырааһынньыктарга, Өрөспүүбүлүкэ күнүгэр эмиэ», — диэтэ кини.

Бу миэрэ COVID-19 ыарыы элбээбит куораттарыгар, оройуоннарыгар сыһыаннаах. Ону кытта Дьокуускайга куойканы элбэтиэхтэрэ. Куоракка ааспыт суукка устата 33 киһи коронавирустаабыт. Билиҥҥи туругунан куойка уопсай ахсааныттан 20%-на иллэҥ.