Саха сиригэр хомус каталога таҕыста

Аан дойду норуоттарын хомуһун киинэ сахалыы хомус каталогун таһаарда. Манна 21 оройуонтан 142 мастар 628 хомуһа киирдэ. Ханна оҥоһуллубуттарынан сэттэ бөлөҕүнэн наардаатылар — Дьокуускай, Киин улуустар, Илин эҥэр, Хотугу уонна Соҕурууҥу улуустар, Бүлүү бөлөх.

«Каталог хомус тиэрминнэригэр сыһыаннаах кылгас тылдьыттаах. Нууччалыы английскайдыы тылынан таҕыста. Манна уон сэттис үйэттэн саҕалаан билиҥҥи кэмҥэ диэри оҥоһуллубут хомустар киирдилэр», — диэн иһитиннэриигэ этиллэр.

Кинигэ Хомус музейын 30 сылыгар уонна төрүттээччи Иван Алексеев — Хомус Уйбаан 80 сааһын туолуутугар ананар. Музей үлэлээбитин тухары аан дойду араас муннугуттан 1700 кэриҥэ варганнай инструмены хомуйда.