Саха сиригэр кыһын саҕаланыаҕыттан 50-тэн тахса төбө сүөһү ууга былдьанна

Кыстык саҕаланыаҕыттан өрөспүүбүлүкэҕэ барыта холбоон 56 төбө ынах сүөһү уонна тоҕус сылгы муус аннынан өллө Бу туһунан СӨ Тыа хаһаайыстыбатын министиэристибэтэ иһитиннэрэр. 

«Сорох оройуоҥҥа күн-дьыл туруга сылаас, муус кэтитэ чараас буолан, уустук балаһыанньа үөскээн, сүөһүлэр ууга былдьаннылар», — диэн иһитиннэриигэ этиллэр.

Алтынньы 18 күнүгэр СӨ Тыа хаһаайыстыбатын министиэристибэтэ улуус баһылыктарыгар кыһынын мууска сэрэхтээх буолуу инструктаһын тэрийэр туһунан сурук ыыппыта. 

Ууга түһэн өлбүт сүөһү этэ атыыга тахсыбат диэн бэлиэтэннэ.