Саха сиригэр национальнай бырайыагынан быйыл 25 социальнай эбийиэк тутуллуоҕа

Саха сиригэр быйыл национальнай бырайыак чэрчитинэн 25 социальнай эбийиэк тутуллуохтаах. Ол иһигэр Уус Алдаҥҥа, Аммаҕа, Намҥа, Өлүөхүмэҕэ, Хаҥаласка, Тааттаҕа алта оскуола уонна аҕыс оҕо саада, Дьокуускайга, Өлүөхүмэҕэ, Бүлүүгэ «Доруобуйа» национальнай бырайыагынан үс социальнай уонна доруобуйа харыстабылын эбийиэктэрэ, Намҥа, Бүлүүгэ «Култуура» бырайыагынан икки култуура киинэ, «Демография» бырайыагынан Уус Алдаҥҥа икки спортивнай комплекс тутуллуоҕа.

Оттон «Экология» бырайыагынан билигин алта эбийиэк тутулла турар итиэннэ ууну ыраастыыр станциялары өрөмүөннүүллэр. 2021 сылга национальнай бырайыагы олоххо киллэриигэ 2 737 хантыраак түһэрсиэхтэрэ.