Саха сиригэр Үрүҥ Тунах ыһыаҕы бэлиэтииллэр

Саха сиригэр бүгүн национальнай бырааһынньык — Ыһыах бэлиэтэнэр. Ыһыаҕынан Ил Дархан Айсен Николаев эҕэрдэлээтэ.

«Биһиги хас биирдии норуот сайдар суола, үүнэр көлүөнэни иитэр муудараһа төрүт үгэһи, төрөөбүт тылы, культураны билиигэ баарын өйдүөхтээхпит. Норуоппут сыаннаһын көлүөнэттэн көлүөнэҕэ тиэриигэ, иҥэриниигэ сүрүн олугу Ыһыахпыт уурар», — диэбит Айсен Николаев. Ил Дархан быйыл пандемиянан сибээстээн иккис сылын хааччахтар бааллар диэн бэлиэтиир: «Национальнай бырааһынньыкпытын чугас дьоммутун, дьиэ кэргэммитин кытта бэлиэтиирбитигэр хааччах суох. Күндү Сахам сирин олохтоохторо, Үрүҥ Тунах Ыһыаҕынан! Бу сылбыт өлгөм үүнүүлээх буоллун! Ис сүрэхпиттэн доруобуйаны, табыллыыны, ситиһиини баҕарабын!».