Саха сирин доруобуйа харыстабылын салаатын сайыннарыыга 12 млрд.солк. көрүөхтэрэ

2025 сылга диэри өрөспүүбүлүкэ доруобуйа харыстабылын маҥнайгы сүһүөх звеноларын саҥардыыга 12 миллиард солкуобайтан тахса үп көрүллүөҕэ.

«Модернизация бырайыагын тосхолунан 385-тэн тахса медицинскэй оборудование уонна 248 тырааныспар атыылаһыллара былааннанар», — диэн СӨ доруобуйа харыстабылын министиэристибэтин пресс-сулууспата иһитиннэрэр.

Ону тэҥэ 2025 сылга диэри 78 медицинскэй тэрилтэ хаппытаалынай өрөмүөнэ ыытыллара уонна 73 доруобуйа харыстабылын эбийиэгэ тутуллара былааннанар.

2018-2020 сылларга бу бырайыак чэрчитинэн Саха сиригэр уопсайа 33 медицинэ эбийиэгэ тутуллубут, 174 ИВЛ аппараата, аҕыс кислороднай станция, 100-тэн тахса кислород концентратора уо.д.а. оборудование ылыллыбыт. 69 доруобуйа харыстабылын эбийиэгин хаппытаалынай өрөмүөнэ ыытыллыбыт, 57 саҥа суһал медицинскэй көмө тырааныспара кэлбит.