Саха сирин футболистара бүтүн Россиятааҕы күрэхтиһиитигэ ситиһиилээхтик кытыннылар

Саха сирин хамаандата «Динамо» Сочи куоракка ыытыллыбыт «IMSPORT SOCHI 2022» саҥа дьыллааҕы футбол күрэхтэһиитигэр ситиһиилээхтик кытынна. Бу туһунан «Саха» НКИК иһитиннэрэр.

Турнир 2010-2011 сыллааҕы төрүөх оҕолорго ыытылынна. Уопсайа турнирга Москва, Сочи, Дьокуускай, Воронеж, Химки, Долгопруднай, Ставрополь, Ногинскай хамаандалара кытыннылар.

Саха сирин оҕолоро олус үчүгэй, сытыы оонньууну көрдөрдүлэр. 2011 сыллааҕы төрүөх оҕолорго Саха сирин хамаандата «Динамо» үһүс миэстэни былдьаһыыга Москва «Чертаново» хамаандатыгар 1:0 ахсаанынан хоттордо.

2010 сыллааҕы төрүөх оҕолорго Саха хамаандата 16 хамаандаттан ахсыс миэстэ буолла.

Михаил Опрядченко уонна Дмитрий Седалищев бастыҥ оонньооччулар буоллулар.

Саха сиринээҕи «Динамо» оҕо футболга хамаандата бу иннинэ Амур уобалаһыгар ыытыллыбыт мини-футбол күрэхтэһиитигэр бастаабыта, Крым өрөспүүбүлүкэтин мини-футболга «Евпатория CUP» күрэхтэһиитигэр боруонса мэтээли ылбыта, Сочи куоракка ытыллыбыт AFL аан дойду чемпионатыгар кыайыыны ситиспитэ.