Саха сирин наукаларын Академиятын бэрэсидьиэнэ дуоһунаһыттан босхолонно

СӨ наукаларын Академиятын бэрэсидьиэнин эбээһинэһин толорооччутунан Василий Филиппов ананна. Бу туһунан Ил Дархан Айсен Николаев twitter гэ иһитиннэрдэ.

«Игорь Колодезников атын үлэҕэ көһөрүнэн, СӨ наукаларын Академиятын бэрэсидьиэнин дуоһунаһыттан босхолонно», — диэн иһитиннэриигэ этиллэр.

Ону таһынан Айсен Николаев тэрилтэ бэрэсидьиэнин эбээһинэһин толорооччунан Василий Филиппов анаммытын иһитиннэрдэ.

Игорь Колодезников — геология-минералогия наукаларын доктора, профессор, СӨ наукаларын Академиятын чилиэнэ, Саха сирин үтүөлээх геолога, РФ үрдүк идэтийии үөрэҕин үтүөлээх үлэһитэ. Өрөспүүбүлүкэ наукаларын Академиятын бэрэсидьиэнинэн 2008 сыллаахха талыллыбыта.

Василий Филлипов — тыйыс усулуобуйаҕа тутуу бөҕө-таҕа буолуутун салаатыгар исписэлиис, Саха сирин наукаларын Академиятын бастакы бэрэсидьиэнэ ( 2003—2008).