Саха сирин ойууругар ыксаллаах быһыы-майгы эрэһиимэ биллэрилиннэ

Саха сирин Ил Дархана Айсен Николаев ойуур баһаардарыттан сылтаан ыксаллаах быһыы-майгы эрэһиимин олохтуур туһунан ыйаахха илии баттаата.

Бу туһунан быһа кэпсэтии кэмигэр Саха сирин нэһилиэнньэҕэ куттал суох буолуутун хааччыйыыга бэрэссэдээтэлэ Дмитрий Лепчиков социальнай ситимнэргэ иһитиннэрдэ.

«Бүгүн өрөспүүбүлүкэ баһылыга ойуурга эрэгийиэн таһымнаах ыксаллаах быһыы-майгы эрэсиимин олохтуур туһунан ыйаахха илии баттаата. Онон сибээстээн ыксаллаах быһыы-майгы эрэсиимэ өрөспүүбүлүкэ салалтатын уорганнарыгар эмиэ олохтонно», — диэн иһитиннэриигэ этиллэр.

Бэс ыйын 23 күнүнээҕи туругунан өрөспүүбүлүкэ сиригэр-уотугар 67 ойуур баһаара баар, ааспыт сууккаҕа тоҕус баһаар бохсулунна.