Саха сирин олохтооҕун түһэриитэ регионнар икки ардыларынааҕы куонкуруска иккистээтэ

АНА СС Гуманитарнай чинчийии уонна аҕыйах ахсааннаах хотугу омуктар кыһалҕаларын институтун үлэһитэ Юрий Слепцов «Сибиир норуоттара: ааспыт уонна кэлэр икки ардынан» фотокуонкурус иккис түһүмэҕэр иккис миэстэ буолла. Бу туһунан тэрилтэ пресс-сулууспата иһитиннэрэр.

Юрий Слепцов «Аҕабын кытта балыктыы сылдьан» түһэриитэ «Бытовая культура народов Сибири» диэн анал аакка наҕараада ылла. Ону таһынан, киниэхэ Нуучча географическай уопсастыбатын Иркутскайдааҕы салаата анал бириис туттарда.

Куонкуруһу Нуучча географическай уопсастыбатын Иркутскайдааҕы салаата уонна «Иркутское фотографическое обозрение ИФО–ФОТО» тэрийдилэр.

Быйыл уопсайа Сибиир уонна Уһук Илин 13 регионнарыттан тыһыынчаттан тахса үлэ киирбит, 82 киһи кытынна.