Саха сирин оскуоланы бүтэрээччилэрэ муус устар 15 күнүгэр түмүк өйтөн суруйууну суруйуохтара

Саха сирин 5622 оскуолатын бүтэрээччилэрэ муус устар 15 күнүгэр түмүк өйтөн суруйууну суруйуохтара. Бу туһунан СӨ үөрэххэ министиэристибэтин пресс-сулууспата иһитиннэрэр.

Өйтөн суруйуу түмүгүнэн аҕыс тыһыынча кэриҥэ оскуоланы бүтэрээччи судаарыстыбаннай түмүк аттестацияны туттарар кыах ылар. Онуоха доруобуйаларынан хааччахтаах үөрэнээччилэр өйтөн суруйуу оннугар ааҕыыттан суруйууну туттарар кыахтаахтар.

2020-2021 үөрэх сылыгар бүтэрээччилэр бу тиэмэлэринэн сорудаҕы толоруохтара: «Умнуллуо суохтаах», «Мин уонна атыттар», «Уларыйыы кэмэ», «Бэйэни кытта кэпсэтии», «Ааспыт уонна кэлэр кэм икки ардыларыгар: мин көлүөнэм мэтириэтэ».

Сорудаҕы толорууга 3 чаас 55 мүнүүтэ бэриллэр. Доруобуйаларынан хааччахтаахтарга эбии 90 мүнүүтэ бэриллэр.

Үөрэнээччи «незачет» ылар түгэнигэр, убаастабыллаах биричиинэнэн кэлбэтэҕинэ эбэтэр сатаан бүтэрбэтэҕинэ -2021 сыл ыам ыйын 5 уонна 19 күннэригэр эбии болдьоххо суруйуон сөп.