Саха сирин сорох өрүстэригэр мууһу кэбирэтии үлэлэрэ түмүктэннилэр

Саха сирин сорох оройуоннарыгар сааскы халааҥҥа бэлэмнэнэн өрүс мууһун кэбирэтии үлэлэрэ түмүктэннилэр. Бу туһунан СӨ экологияҕа министиэристибэтин пресс-сулууспата иһитиннэрэр.

«2021 сылга өрөспүүбүлүкэ тоҕус улууһугар уопсайа 213 га иэннээх 31 харыы үөскүөн сөптөөх учаастагар мууһу кэбирэтии үлэтэ ыытылынна», — диэн этиллэр.

Ол курдук Алдан өрүс 15 учаастагар Алдан, Уус Майа, Томпо, Таатта, Нам улуустарыгар мууһу хараардыы уонна эрбээһин ыытылынна. Амма өрүс 11 учаастагар Алдан, Амма, Чурапчы уонна Таатта улуустарыгар үлэ ыытылынна.

Ленскэй оройуонугар Нүүйэ өрүс түөрт учаастагар уонна Өлүөхүмэ улууһугар Токко өрүс биир учаастагар мууһу хараардыы оҥоһуллубут.

Бу күннэргэ тустаах хамыыһыйа ыытыллыбыт үлэни тутууну ыытар.