Өрөспүүбүлүкэ тиийэргэ уустук, ыраах турар нэһилиэнньэлээх пууннарыгар Ил Дархан уонна өрөспүүбүлүкэ депутаттарын алтыс ыҥырыылаах болдьох иннинээҕи быыбардарыгар куоластааһын саҕаланна.
Саха сиринээҕи киин быыбардыыр хамыыһыйа иһитиннэринэн, атырдьах ыйын 25 күнүнээҕи туругунан Абыйга, Булуҥҥа, Үөһээ Халымаҕа, Үөһээ Дьааҥыга, Эдьигээҥҥэ, Кэбээйигэ, Аллараа Халымаҕа, Өймөкөөҥҥө, Усуйаанаҕа 247 быыбардааччы болдьох иннинэ куоластаабыт.
