Саха сирин ытааччылара Россия спортиҥҥа Кубогын мэтээллэрин сүүйдүлэр

НВК САХА — Саха ытааччылара Николай Кобяков уонна Степан Чепалов Россия спортинҥа Кубогын 8-с түһүмэҕэр кыһыл көмүс уонна үрүҥ көмүс мэтээллэри сүүйдүлэр. Бу туһунан «Спорт Якутии» хаһыат иһитиннэрэр.

Компакт-спортиҥҥа Россия Кубогын ахсыс түһүмэҕэ балаҕан ыйын 21-22 күннэригэр Барнаул куоракка буолан ааста. Күрэхтэһиигэ дойду 50-тан тахса регионуттан 129 ытааччы кыттыыны ылла.

Икки күн устата спортсменнар аҕыс былаһаакканан 25-тии тэриэккэни, уопсайа 200 сыалы табыахтаахтар.

«Түһүмэх кыайыылааҕынан Россия дуплетнай ытыыга чемпиона, спорт маастара Николай Кобяков буолла. Кини соҕотох аҕыс былаһааккаттан түөрдүгэр 25 тэриэккэни барытын ытан, уопсайа 190 сыалы тапта», — диэн этиллэр.

«А» категорияҕа иккис миэстэни 189 сыалы табан Степан Чепалов ылла.

Россия Кубогын кэлэр түһүмэҕэ алтынньы 18-20 күннэригэп Пензаҕа ааһыа. Кубок финала Санкт-Петербург куоракка алтынньы 31 күнүттэн сэтинньи 3 күнүгэр диэри ыытылыа.