Саха телевидениетин күнүгэр аналлаах «Саҥа күн» биэриини көтүтүмэҥ

Сарсын, алтынньы 8 күнүгэр, Саха телевидениетин күнэ бэлиэтэнэр. «Саҥа күн» сарсыардааҥҥы биэрии бу күҥҥэ ананар. Маныаха Саха сиригэр телевидение устуоруйатын сырдатыахтара, сонуннары кэпсиир устуудьуйаттан быһа холбонуулар баар буолуохтара.

Ону таһынан «Ыытааччыны хараҕыттан көрөн таай» диэн оонньууну ыытыахтара.

Биэрии кэмигэр өссө «Сэттэ күн. Абааһы балаҕана» реалити-шоу туһунан кэпсиэхтэрэ, ону таһынан С.Д. Донской аатынан үөрэҕи сайыннарар уонна идэни үрдэтэр үнүстүүт төрүттэммитэ 80 сылыгар аналлаах кэпсэтии ыытыллыаҕа.

Биэрии түмүгэр СӨ Доруобуйа харыстабылын ыстааты таһынан сүрүн онколога Феодосия Иванова «Онкопоиск» аахсыйа туһунан кэпсиэҕэ.