Сайсары уокуругар уот арахса сырытта

Өрөспүүбүлүкэ киин куоратын Сайсары уокуругар технологическай кэһиинэн уот арахса сырытта. Бу туһунан уот ситимин киинин пресс-сулууспата иһитиннэрэр.

«Бүгүн, ыам ыйын 12 күнүгэр, олохтоох бириэмэнэн 17:49 чааска Л-РП-4 хаабылын ситимигэр технологическай кэһии тахсыбытын түмүгэр, Чайковскай, Лермонтов, Маяковскай, Лонгинов аатынан уулуссаларга уот бара сырытта», — диэн иһитиннэриигэ этиллэр.

Энергетиктэр суһаллык сөргүтэр үлэни ыыппыттара бэлиэтэнэр. Ол түмүгэр, 19:43 чааска олохтоохтор уотунан хааччылыннылар.