Сардаана Трофимова аан дойду чемпионатыгар марафоҥҥа кыттыаҕа

НВК САХА — Сүүрүүк Сардана Трофимова балаҕан ыйын 28 күнүгэр Дохаҕа аан дойду чемпионатыгар марафон сүүрүөҕэ.

Москва бириэмэтинэн 23.55 чааска саҕаланар, ол аата Саха сиригэр 5.55 чааска көрүөххэ сөп. Быһа эфир matchtv.ru сайтка уонна «Матч! Арена» ханаалга көстүөҕэ.

Балаҕан ыйын 25 күнүгэр Трофимова Кыргызстантан Катарга көппүт. Кинини кытта тренерэ, Россия спордун үтүөлээх маастара Татьяна Жиркова сылдьар.

Санатан эттэххэ, Сардаана Трофимова нормативтары толорон, норуоттар икки ардыларынааҕы күрэхтэһиигэ кыттар Россия 30 спортсменын ахсааныгар киирбитэ.