«Союз-2.1б» ракета от ыйын 1 күнүгэр көтүөҕэ

Аргыстаах «Союз-2.1б» ракетаны Восточнай космодромтан от ыйын 1 күнүгэр ыытыахтара. Бу туһунан Роскосмос пресс-сулууспата иһитиннэрэр. Ракета тобоҕо Алдан уонна Кэбээйи оройуоннарыгар түһүөҕэ.

«Нэһилиэк таһыгар тахсыбаккытыгар көрдөһөбүт», — диэн ЫБММ Саха сиринээҕи салаатын пресс-сулууспата иһитиннэрэр. Билигин OneWeb 218 аргыһа куйаарга баар. Билигин тахсыбыт ракета аргыс ахсаанын 254-кэ тиэрдиэхтээх.

OneWeb аппарат аан дойду хайа баҕарар муннугар түргэн интернетинэн хааччыйыахтаах. Оттон сиргэ 40 станция-терминал үлэлиэхтээх.