Спортивнай тэрээһиннэргэ хааччахтары киллэрдилэр

Официальнай спортивнай тэрээһиннэр көрөөччүтэ суох ыытыллыахтара. Тустаах бирикээһи спорт миниистирэ Иннокентий Григорьев таһаарда.

«Спортивнай тэрээһиннэргэ сокуоннай сааһын сиппит дьону вакцинацияны туоһулуур сертификаттаах эрэ буоллахтарына киллэрэргэ. Министиэристибэ подведомственнай тэрилтэлэрэ спортивнай тэрээһин арыллыытын уонна сабыллыытын ыыталлара, спортсменнарга пресс-конференциялары, интервьюлары, көрсүһүүлэри уонна да атын элбэх дьон кыттыылаах тэрээһиннэри оҥороллоро бобуллар», — диэн бирикээскэ этиллэр.

Наҕараадалааһыны илии тутуспакка, социальнай дистанцияны тутуһан тэрийиэхтэрэ. Улуус дьаһалтаталыргар тустаах бирикээһи учуоттууллара ирдэнэр.