НВК САХА – Сунтаар нэһилиэгин олохтооҕо 100 грамм кэриҥэ марихуананы харайбыт уонна ыыттара сатаабыт. Бу туһунан ИДьМ тырааныспарка линейнэй управлениетын пресс-сулууспата иһитиннэрэр.
«Уорбаланааччы билэр киһититтэн Бурятияттан Дьокуускай куоракка марихуана ыыппытын туһунан иһитиннэриини туппута булулунна. Дьокуускайтан Сунтаарга аҕалалларын курдук билэр таксиһын кытта кэпсэппит», – диэн иһитиннэриигэ этиллэр.
Эр киһи аатыгар «Буруйу оҥорууга бэлэмнэнии», «Сокуоннайа суох накротическай, психотропнай сириэстибэлэри оҥорон таһаарыы, батарыы, тиэрдии» уонна «Сокуоннайа суох накротическай, психотропнай сириэстибэлэри ылыы, харайыы, оҥоруу, тиэрдии» ыстатыйаларынан холуобунай дьыала тэрилиннэ, дьыала суукка барда. Бу ыстатыйалынан накаастабыл 10-20 сылга тиийэр.
