Сунтаар улууһугар икки ойуур баһаарын буллулар

Сунтаар улууһун сиригэр-уотугар икки ойуур баһаарын буллулар.

Бу туһунан улуус баһылыга Анатолий Григорьев Instagram аккаунугар иһитиннэрдэ.

«Ойуур баһаардара Кэмпэндээйи нэһилиэгиттэн соҕуруулуу-арҕаа өттүгэр 10 уонна 15 килэмиэтир кэриҥэ тэйиччи сыталлар. Биир термическэй туочука Улахан Уоттах үрэх уҥуор баар, оттон иккиһэ Кыра Уоттаах үрэх кэнниттэн бэлиэтэнэр», — диэн суруйар.

Миэстэтигэр баһаары умуруорууга дьону ыҥырдылар уонна тыа үлэһиттэрин ыыттылар, ону тэҥэ Бе-200 сөмөлүөтү көмөҕө тардыыга сайаапка бэрилиннэ. Нэһилиэнньэлээх пууннарга куттал суох.