Сыл саҕаланыаҕыттан ыла Саха сиригэр 145 баһаар буолбут

Саха сиригэр дьон сэрэҕэ суоҕуттан сылтаан сыл саҕаланыаҕыттан үс ый устата 145 баһаар буолбут. Бу туһунан Госстройжилнадзор пресс-сулууспата иһитиннэрэр.

«Уокка өлүү 86%-на олорор дьиэҕэ баһаарга буолар. Маннык баһаар сүрүннээн уоту сыыһа туттууттан тахсар», — диэн иһитиннэриигэ этиллэр.

Баһаар тахсар өссө биир төрүөтэ электрооборудованиены уонна оһоҕу туһаныы быраабылатын кэһии буолар. Онон сибээстээн Саха сиригэр баһаары утары систиэмэни хонтуруоллааһыны күүһүрдүөхтэрэ.