Сыллата ыытыллар «Үтүө санаа харыйата» аахсыйа Дьокуускай куоракка саҕаланна.
Аахсыйа көмөтүнэн хас биирдии баҕалаах уһуйаан, коррекционнай оскуола, оскуола-интэринээт уонна байыаннай дьайыы кыттыылаахтарын оҕолорун ыра санааларын толорор кыахтаах. «Үтүө санаа харыйатыгар» кыттыыны ылар судургу – «Бубль-Гум» маҕаһыын икки филиалларыгар баар оҕолорго аккырыыккалары талан, саҥа дьыллааҕы бэлэҕи ылыахха сөп.
Аадырыстара: Кальвица уул., 14/5 уонна Дзержинскай уул., 71.
Аахсыйа «Ыччат лигата» Дьокуускай уопсастыбаннай сибээскэ уонна ыччат бэлиитикэ управлениетын өйөбүлүнэн ыытыллар.
«Быйыл «Үтүө санаа харыйатыгар» икки тыһыынчаттан тахса оҕо кыттар. Аахсыйа сэтиинньи 20-29 күннэригэр ыытыллар», – диэн «Ыччат лигатын» актыбыыһа Екатерина Александрова эттэ.
