Тамалакаан сэлиэнньэтигэр оскуола-уһуйаан тутуута түмүктэннэ

СӨ тутууга уонна дьиэни-уоту кэтээhиҥҥэ судаарыстыбаннай управлениета 2022 сылга бастакынан ирдэбилгэ эппиэттиирин туһунан докумуону Үөһээ Бүлүү Тамалакаан сэлиэнньэтин оскуола-уһуйааныгар биэрдэ. Бу туһунан биэдэмистибэ пресс-сулууспата иһитиннэрэр.

Биир этээстээх, 2 435,1 квадратнай миэтэрэ иэннээх тутууга 100 үөрэнээччи уонна 45 уһуйаан иитиллээччитэ миэстэлээх. Тэрилтэлэр тус-туһунан киирэр ааннаахтар.

Уһуйаан тутуу соҕуруулуу-арҕаа өттүгэр баар, икки бөлөх хоһо, музыка уонна физкультура дьарыктарын ыытар саала, медик кэбиниэтэ, салалта уонна үлэһиттэр хосторо бааллар.

Оскуолаҕа алын уонна үрдүкү кылаас үөрэнээччилэрин, химия уонна физика кэбиниэттэрэ, лабораториялар, компьютернай кылаастар, мастарыскыайдар, библиотека, методическай кэбиниэттэр, 34 миэстэлээх аһыыр саала, астыыр сир уонна спортивнай саала бааллар.

«Кэтиир уорган биир кэлим бэрэбиэркэни ыытта. Санитарнай нуорманы тутуһууну, ордук баһаары утары үлэлиир систиэмэни көрдө», — диэн СӨ тутууга уонна дьиэни-уоту кэтээhиҥҥэ судаарыстыбаннай управлениетын пресс-сулууспата иһитиннэрэр.

Тутууга доруобуйаларыгар хааччахтаах дьон мэһэйэ суох сылдьарыгар усулуобуйаны тэрийии учуоттанна.