Тарскай чемпионатыгар 80 путевка оонньонно

Н.Н. Тарскай кэриэһигэр көҥүл тустууга өрөспүүбүлүкэ чемпионатын түмүгүнэн быйыл сайын Бороҕоҥҥо ыытыллар Саха сирин норуоттарын спортивнай оонньууларыгар кыттарга 80 путевка оонньонно. Бу туһунан НКИХ «Саха» иһитиннэрэр.

Тохсунньу 8-9 күннэригэр ыытыллыбыт чемпионакка 80 путевка оонньонно — тоҕус ыйааһын бөлөҕөр аҕыстыы путевка.

Ол курдук, Мэҥэ Хаҥалас улууһун хамаандата уопсайга бастаабыта, ол иһин аҕыс путевканы ылла.

Чурапчы улууһун тустууктарыгар (иккис миэстэ) сэттэ путевка тигистэ.

Уопсайга Сунтаар хамаандата үһүс миэстэ буолан, алта путевканан наҕараадаланна.

Ону тэҥэ Уус Алдан уонна ХИФУ хамаандалара алталыы миэстэни ыллылар, Таатта, Нам, Үөһээ Бүлүү тустууктара — биэстии, Дьокуускай уонна Кэбээйи — түөрттүү.

Ньурба, Орто Халыма, Томпо спортсменнарыгар — үстүү, Анаабырга, Үөһээ Дьааҥыга, Горнайга, Миирнэйгэ, Өймөкөөҥҥө, Хаҥаласка — иккилии.

АГАТУ, Муома, Бүлүү хамаандаларыгар биирдии путевка бэрилиннэ.

Санатан эттэххэ, быйыл сайын Уус Алдан Бороҕонугар Саха сирин норуоттарын VIII Спортивнай оонньуулара буолуохтара.