Томторго буолбут баһаарга икки эр киһи өлүгүн булбуттар

Үөһээ Дьааҥы улууһун Томтор сэлиэнньэтигэр олорор дьиэ баһаарыгар икки эр киһи өлүгүн буллулар. Бу туһунан регионнааҕы ЫБММ пресс-сулууспата иһитиннэрэр.

«Тохсунньу 13 күнүгэр олохтоох бириэмэнэн 5.30 чааска баһаарынай-быыһыыр сулууспаҕа Үөһээ Дьааҥы улууһун Томтор сэлиэнньэтигэр Юсальскай уулуссаҕа олорор дьиэҕэ баһаар буолбутун туһунан иһитиннэрии киирбит. Баһаар түмүгэр 56 кв.м. иэннээх дьиэ эмсэҕэлээбит», — диэн биэдэмистибэ иһитиннэриитигэр этиллэр.

Баһаар биричиинэтэ, буруйдаах уонна хоромньу быһаарыллар. Баһаарынай подразделениелар баһаарга тахсыбатылар.

Баһаар буолбут сиригэр силиэстийэлиир бөлөх тиийбитин бэлиэтииллэр.