Тыа хаһаайыстыбатын сүрүн хайысхаларын чопчулаатылар

Ил Дархан Айсен Николаев үүнэр үс сыл иһигэр өрөспүүбүлүкэҕэ тыа хаһаайыстыбатын сайдыытыгар сүрүн хайысхалары чопчулаата. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Өрөспүүбүлүкэҕэ тыа хаһаайыстыбатын сайыннарарга көмө буолар улахан кээмэйдээх инвестиционнай бырагыраама наада. Хотоннору, бурдук ыскылааттарын, сылгы базаларын тутар туһааннаах», — диэтэ кини.

Айсен Николаев бырабыыталыстыбаҕа тыа хаһаайыстыбатын сайдыытыгар судаарыстыбаннай бырагыраама үбүлээһинин хааччыйарга 2022 уонна 2023-2024 сылларга тыа хаһаайыстыбатын бородууксуйатын атыытын тупсарарга соруйда.

Ону тэҥэ, 2022 сылга өрөспүүбүлүкэ бүддьүөтүн тыырарга агрокомплекс эбийиэктэрин саҥардыыга, тутууга уонна «Туймаада» ФАПК устаабын хапытаалын улаатыннарыыга үбү көрүүнү учуоттуур наадатын эттэ.

2024 сылга диэри бу салаа сүрүн сыалынан нэһилиэнньэни хаачыстыбалаах табаарынан хааччыйыы, ол иһигэр үүтүнэн уонна үүт аһынан — 61%-ҥа диэри, эккэ уонна эт аска – 30 %-ҥа диэри, хортуоппуйга – 66%-ҥа диэри, оҕуруот аһыгар – 51 %-ҥа диэри, сымыыкка – 65%-ҥа диэри.