Улуустарга барар дьону икки нэдиэлэҕэ бэйэни изоляцияланарга ыҥырдылар

Улуустарга барар Саха сирин олохтоохторун 14 күн устата бэйэни изоляцияланарга ыҥырдылар.

«Сотору сайын буолуоҕа, ол аата олохтоохтор улуустарга барыахтара. Суһал штаб коронавирус инфекциятын күүскэ тарҕаппат уонна аймахтаргытын сутуйбат туһугар икки нэдиэлэҕэ бэйэни изоляцияланарга сүбэлиир», — диэн өрөспүүбүлүкэтээҕи суһал штаб салайааччытын солбуйааччыта Ольга Балабкина брифинг кэмигэр эттэ.

Ону тэҥэ, оҕолор дистанционнай үөрэх кэмигэр улууска барбыт түгэннэригэр, төрөппүттэри эпидемиологическай туругу кэтии сылдьарга сүбэлээтэ.

Инники этиллибитинэн, бүтэһик сууккаҕа Саха сиригэр эбии 105 киһи коронавирустаата.